၁။ ရေချိူပုစွန်တုပ်ကြီး အသားတိုးမွေးမြူရာတွင် အဓိကပြသာနာမှာ ကြီးကြပ်ကွပ်ကဲမှု ညံ့ဖျင်းခြင်းဖြစ်သည်။အဆိုပါ ညံ့ဖျင်းခြင်း ကြောင့် စီးပွားရေးအရဆုံးရူံးမှုအထိ ဖြစ်နိုင်သည်။

၂။ ၀ါဆို၊ ၀ါခေါင် မိုးကြီးချိန်တွင် ပုစွန်ကန်များ အထူးသတိပြုရန် အချက်မှာ ကန်ရေလျှံခြင်းကိုကာကွယ်ရန်ဖြစ်သည်။ ရေမကျော်ရန်အတွက် ကြိုတင်ကာကွယ်မှု ပြုလုပ်ရမည်။ မွေးမြူရေးကန်များတွင် ရေထုတ်ပေါက် ပြုလုပ်ထားရမည်။ ရေထုတ်ပေါက်ကိုမွေးမြူရေးကန်၏အနက် ၅ ပေအကျော်လောက်တွင်PVC ပိုက်ဖြင့် ရေထုတ်ပေါက်ကို တပ်ဆင်ရမည်။ မိုးကြီးပြီးရေများပါက ကန်ရေများသည် ရေထုတ်ပေါက်မှအပြင်ကို ထွက်သွားနိုင်သည်။ ထွက်ပေါက်အတွက် အကာများ တပ်ဆင်ထားရမည်။

အခြားတနည်းမှာမွေးမြူရေးကန် တစ်ဧကဖြစ်စေ၊ နှစ်ဧကဖြစ်စေ ကန်ပတ်လည်အတွင်း ဇာကာအပြာစများကိုပတ်လည်ကာရံထားနိုင်သည်။

၃။ အစာလွန်ကဲ၍ ရေထုညစ်ညမ်းခြင်းဖြစ်နိုင်သည်။ အစာအလေးချိန်ကိုစိစစ်ပြီး လိုတိုးပိုလျော့ကျွေးရမည်။ ပုစွန်သေပါက ကန်ပြောင်းခြင်း၊ ရေလဲလှယ်ခြင်း အလျင်အမြန်ပြုလုပ်ရမည်။ ပုစွန်တစ်ကောင်သေသည်ကိုတွေ့ပါက ပုစွန်ကောင်ရေ ၁၀% ခန့်သေဆုံးနေပြီဖြစ်ကြောင်းခန်းမှန်းနိုင်သည်။

၄။ ရေသြဇာပြုပြင်မှု လွန်ကဲ၍ ရေ၏ ဓာတုဗေဒဖြစ်စဥ်ပြောင်းလဲကာ ပုစွန်များသေဆုံးနိုင်ကြောင်း သတိပြုရမည်။ ရေလဲပေးခြင်းဖြင့်ကုစားနိုင်သည်။

၅။ အသားစားငါးများ သတ္တ၀ါများ ကန်အတွင်းတွင်တွေ့ရှိခြင်းသည် အလွန်အရေးကြီးသည်။ ယင်းတို့ကိုတတ်နိုင်သလောက်ရှင်းလင်းနိုင်ရမည်။

အသားစားငါးအုပ်စု၀င်များမှာ ငါးရံ့၊ ငါးခူ၊ ငါးဖယ်၊ ငါးပြေမ၊ ကကတစ်၊ ကတ်သပိုး အစရှိသည့် ငါးများပါ၀င်သည်။ အသားစားများငှက်များဖြစ်သော ဗျိုင်း၊ ဗျိုင်းအောက်၊ ဒင်ကျီးနှင့် ရေဘဲအစရှိသည့် ငှက်များပါ၀င်ပါသည်။ အထက်ပါအန္တရာယ်များနှိမ်နင်းရန် လိုအပ်ပါသည်။ ခေတ်မီသော ငါးရိုင်းသတ်ဆေးတမျိူးဖြစ်သည့် Tea Seed Cake အမှုန့်များကိုလည်းဖယ်ရှား၍ ရေတွင်ဆွေးမြည့်နေမှုကိုဂရုစိုက်ကာပြုပြင်ပေးရမည်။ ရေသည်ကြည်လင်၍ သန့်ရှင်းနေရန် လိုအပ်သည်။

၇။ ဆောင်းရာသီ (ဒီဇင်ဘာနှင့်ဇန်န၀ါရီ) လများတွင်မနက်စောစောနှင်းကျပြီး လေငြိမ်သောအခါ ကန်အတွင်းတွင်အောက်ဆီဂျင်ပျော်၀င်မှု နည်းလာသည့်အတွက် ပုစွန်များသည် ရေမျက်နှာပြင်သို့ တက်ရောက်လာပြီး အသက်ရူမ၀ဖြစ်ကာ သေဆုံးတတ်သည်။ ဒီလိုအချိန်မျိူးတွင် အထူးဂရုစိုက်စောင့်ကြည့်ပြီး ရေလှည့်လဲပေးနည်းမျိူးဖြင့် ဆောင်ရွက်ကာ ပျော်၀င်အောက်ဆီဂျင် ပြန်လည်ပြည့်၀လာအောင်ဆောင်ရွက်ပေးရမည်။

၈။ ရေချိူပုစွန်တုပ်ကြီးများတွင် အထူးတလည်ရောဂါဖြစ်နိုင်ခြေတော့ နည်းပါးသည်။ အသားစားသတ္တ၀ါများကြောင့်လည်းကောင်း၊ခိုးစားသူများကြောင့်လည်းကောင်း အကောင်ရေလျော့နည်းလာတာကိုတော့ ခန့်မှန်းရရှိနိုင်သည်။ ဒီလိုအချိန်မျိူးတွင်စျေးကွက်အတွက်လည်း ခန်းမှန်းနိုင်သည်။

ကိုမောင်မောင်(သု၀ဏ္ဏ)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။