တီလားပီးယားငါး စနစ်တကျသားပေါက်ထုတ်လုပ်နည်း (၁)

နှင်းဖြူဖြူ • 23/12/2022

၁။ တီလားပီးယားသားပေါက်ထုတ်လုပ်ရန် လိုအပ်ချက်များ

တီလားပီးယားသားပေါက်ထုတ်လုပ်ရန်အတွက် အခြေခံလိုအပ်ချက်များမှာ-

(က) လုံလောက်သော မျိုးငါးအရေအတွက်ကို ထိန်းထားရန်နှင့် မွေးမြူပြုစုထားရှိရန်အတွက် မြေသားကန်နှင့် အုတ်ကန်များ၊
(ခ) သားဖောက်ရန်အတွက် ပိုက်လှောင်အိမ်၊ အုတ်ကန် (သို့မဟုတ်) ဖိုင်ဘာရေလှောင်ကန်များ၊မြေသားကန်များ၊
(ဂ) သားလောင်းနှင့် သားပေါက်ပြုစုရန်အတွက် ပိုက်လှောင်အိမ်၊ အုတ်(သို့မဟုတ်) ဖိုင်ဘာရေလှောင်ကန်များ၊ မြေသားကန်များ၊
(ဃ) ငါးသားပေါက်များ မဖြန့်ဖြူးမီ ဖမ်းဆီးကိုင်တွယ်ရေတွက်မှုဒဏ်မှ ပြန်လည်ကောင်းမွန်လာစေရန်နှင့် ငါးသားပေါက်များ ကျင့်သားရစေရန် ပိုက်လှောင်အိမ်နှင့် အုတ်ရေလှောင်ကန်များ၊
(င) ရေလည်စနစ်ဖြင့် ငါးသားဖောက်ခြင်းစနစ်(အသုံးပြုနိုင်မည်ဆိုပါက)
(စ) ရေဖြည့်တင်းမှု(သို့မဟုတ်)ရေပေးစနစ်၊
(ဆ) လေပေးစနစ်(အသုံးပြုနိုင်မည်ဆိုလျှင်)
(ဇ) ဇလုံ၊ ရေပုံး၊ ရေခွက်များ၊
(စျ) ငါးသားပေါက်ဆွဲပိုက်များ၊ ဒိုင်းဝန်းများ၊ သားပေါက်များ အရွယ်ခွဲသည့်ပုံးနှင့် ဆန်ကာများ၊
(ည) ငါးသားပေါက်ငါးသန်အရွယ်နှင့် ငါးဖျန်းအရွယ်များကို ချိန်တွယ်နိုင်မည့်ချိန်ခွင်ကောင်းကောင်းတစ်ခု၊
(ဋ) ငါးသားပေါက်များ ထုပ်ပိုးမည့် အသုံးအဆောင်ပစ္စည်းများ(လေအိုး၊ လေပိုက်၊ ပလတ်စတစ်၊သားရေကွင်း၊ ငါးသားပေါက်ချိန်ခွင်၊ ဖော့ပုံး(သို့မဟုတ်)ကတ္ထူစက္ကူပုံး၊
(ဌ) ငါးသားပေါက်များ ထုပ်ပိုးခြင်းနှင့် တင်/ချ ပြုလုပ်မည့်နေရာ

စသည်တို့ လိုအပ်ပါသည်။

၂။ မျိုးငါးကန်

(က) တီလားပီးယားမျိုးငါးကန်သည် ရေရယူနိုင်သော ရေအရင်းအမြစ်နှင့် နီးသောနေရာတွင် ရှိရပါမည်။
(ခ) ၎င်းကန်သည် ရေသွင်းရေထုတ်ပြုလုပ်ရန် အဆင်ပြေလွယ်ကူပြီး ဆိတ်ငြိမ်သောပတ်ဝန်းကျင်နှင့် သယ်ယူပို့ဆောင်ရေး လွယ်ကူအဆင်ပြေသောနေရာ ဖြစ်ရပါမည်။
(ဂ) ယေဘုယျအားဖြင့် တီလားပီးယားသားဖောက်မည့် မြေသားကန်သည် ဧရိယာအနေဖြင့် ၁၄၀၀-၄၀၀ဝ မီတာ ပတ်လည်ခန့် (၀.၃၅ ဧကအရွယ်မှ ၀.၉၉ ဧက) ရှိရပါမည်။
(ဃ) မျိုးငါးများထည့်သွင်းပြီးနောက် များမကြာမီ ကန်ရေအနက်ကို(၁.၄-၁.၅)မီတာ ထည့်သွင်းဖြည့်တင်းပြီးထိန်းထားပါက ပိုမိုကောင်းမွန်ပါသည်။
(င) မိတ်လိုက်ဥချသားပေါက်ချိန်တွင် ကန်ရေအနက်ကို (၀.၈-၁.၅)မီတာအနက်သို့ လျှော့ချရပါမည်။သို့သော် နွေရာသီအပူချိန်မြင့်မားသော ကာလအတွင်း ကန်ရေအနက်ကို (၁.၂-၁.၄)မီတာသို့ ဖြည့်တင်းမြှင့်တင်ထားပါက ကောင်းမွန်ပါသည်။
(စ) ကန်ပုံစံသည် စတုဂံပုံဖြစ်ရမည်ဖြစ်ပြီး တောင်-မြောက် တန်းလျက်ရှိသောကန်ဘောင်ထက် အရှေ့-အနောက်တန်းနေသော ကန်ဘောင်က ပိုမိုရှည်ရမည်ဖြစ်ပါသည်။
(ဆ) မျိုးငါးများ အသိုက်ပြုလုပ်ခြင်းနှင့် ဥချခြင်းပြုလုပ်နိုင်ရန် ကန်ရေအနက်သည် ကန်ဘောင်နှင့် နီးကပ်သည့်နေရာတွင် တိမ်ရမည်ဖြစ်သည်။
(ဇ) ကန်၏အောက်ခြေမျက်နှာပြင်သည် ပြန့်ဖြူးညီညာ၍ ကန်အလယ်သို့ ချိုင့်ဝင်နေသောအနေအထား ရှိရပါမည်။
(စျ) ကန်အောက်ခြေအနည်များသည် နုန်းမြေ(သို့မဟုတ်) သဲနုန်းမြေ အမျိုးအစားဖြစ်ရပါမည်။
(ည) ကန်အတွင်းဘက်ကန်ဘောင်နှင့် နီးကပ်သောနေရာ ရေတိမ်ပိုင်းတွင် မြက်ရိုင်းများပေါက်နေပါက ငါးသားပေါက်များ ပိုက်ဆွဲဖမ်းဆီးရာတွင် အဆင်မပြေမှုများ ဖြစ်နိုင်ပါသည်။

၃။ သားဖောက်ခြင်းပြုလုပ်ရန် မြေသားကန်၊ အုတ်ကန် (သို့မဟုတ်) ပိုက်လှောင်အိမ်

(က) တီလားပီးယားသားဖောက်ခြင်းပြုလုပ်မည့် မြေသား - ကန်များသည် ရေအရင်းအမြစ်နှင့် နီးကပ်သောနေရာတွင် တည်ရှိရမည်ဖြစ်ပြီး မျိုးငါးကန်များ၊ ပြုစုကန်များတို့နှင့် နီးကပ်သောနေရာတွင် ရှိရမည်ဖြစ်သည်။
(ခ) ပတ်ဝန်းကျင်ဆိတ်ငြိမ်ပြီး သယ်ယူပို့ဆောင်ခြင်း အဆင်ပြေသည့်နေရာ၊ ရေသွင်းရေထုတ်ပြုလုပ်ရန် အဆင်ပြေသည့်နေရာဖြစ်ပါက ပိုမိုကောင်းမွန်ပါသည်။
(ဂ) ယေဘုယျအားဖြင့် တီလားပီးယားသားဖောက်မည့် မြေသားကန်ဧရိယာအကျယ်အဝန်းသည် ၁၀၀၀-၄၀၀၀ မီတာပတ်လည်ခန့် (၀.၂၅ ဧကအရွယ်မှ ၀.၉၉ ဧက)ရှိရပါမည်။
(ဃ) ကန်အရွယ်ကြီးလွန်းခြင်း(သို့မဟုတ်)သေးငယ်လွန်းခြင်းဖြစ်ပါက သားပေါက်များပြန်လည်ဖမ်းယူခြင်း (သို့မဟုတ်) ကန်ရေအရည်အသွေး ပြုပြင်ထိန်းသိမ်းစီမံခန့်ခွဲရန် အဆင်မပြေနိုင်ပါ။
(င) မိတ်လိုက်ဥချသားပေါက်ချိန်တွင် ကန်ရေအနက်ကို (၀.၈ - ၁.၅) မီတာအနက်တွင် ထိန်းထားနိုင်ပါက ပိုမိုကောင်းမွန်ပါသည်။ သို့သော် နွေရာသီအပူချိန်မြင့်မားသောကာလအတွင်း ကန်ရေအနက်ကို (၁.၂-၁.၄)မီတာသို့ ဖြည့်တင်းမြှင့်တင်ထားပါက ကောင်းမွန်ပါသည်။
(စ) ကန်ပုံစံသည် စတုပံပုံဖြစ်ရမည်ဖြစ်ပြီး တောင်-မြောက်တန်းလျက်ရှိသော ကန်ဘောင်အလျားထက် အရှေ့-အနောက်တန်းနေသော ကန်ဘောင်အလျားက ပိုမိုရှည်ရမည်ဖြစ်ပါသည်။
(ဆ) မျိုးငါးများ အသိုက်ပြုလုပ်ခြင်းနှင့် ဥချခြင်းပြုလုပ်နိုင်ရန် ကန်ရေအနက်သည် ကန်ဘောင်နှင့် နီးကပ်သည့်နေရာတွင် တိမ်ရမည်ဖြစ်သည်။
(ဇ) ကန်၏ အောက်ခြေမျက်နှာပြင်သည် ပြန့်ဖြူးညီညာ၍ ကန်အလယ်သို့ ချိုင့်နေသော အနေအထားရှိရပါမည်။
(စျ)ကန်အောက်ခြေအနည်များသည် နုန်းမြေ(သို့မဟုတ်)သဲနုန်းမြေ အမျိုးအစား ဖြစ်ရပါမည်။

ရေးသားသူ-ပင်လယ်ပြာ(ငါးဦးစီး)

Ref; ငါးလုပ်ငန်းသင်တန်းကျောင်းမှ ပို့ချသော အချက်အလက်များ။

(အပိုင်း-၂ တွင် သားဖောက်ရုံ၊ ငါးသားပေါက်ပြုစုခြင်းနှင့် ငါးဖျန်းအရွယ်မွေးမြူခြင်း စသည်တို့ကို ဆက်လက်ဖော်ပြပေးပါမည်။)

သားပေါက်ပြုစုခြင်း

ရေချိုပုစွန် စနစ်တကျ သားဖောက်နည်း

နှင်းဖြူဖြူ

သားပေါက်ပြုစုခြင်း

မြန်မာ့တိုင်းရင်းငါးမျိုးစိတ် ငါးဖိန်းငါးဆေးထိုးသားဖောက်နည်း

နှင်းဖြူဖြူ

သားပေါက်ပြုစုခြင်း

ထိုင်းငါးခုံးမကြီး ဆေးထိုးသားဖောက်နည်းနှင့်သားပေါက်ပြုစုနည်း

နှင်းဖြူဖြူ

Related questions

ငါးကို ဆေးထိုးသာဖောက်တာဘယ်လိုဆေးကိုအသုံပြုလဲငါးရဲ့ဘယ်နေရာကိုထိုးရလဲ ဘယ်လောက်ccထိုးပေးရလဲ

Swe Mg. Mg • 4 answers

ငါးခူသားပေါက် ၂လက်မဆိုဒ်တေ ၂ရက်အတွင်းသေတာ ၅၀၀ရှိပါပြီ ဘာကြောင့်ဖြစ်တာလဲယ ဘာဆေးသူံးပေးရမလဲဗျာ

Tun Tun Naing • 0 answers

ငါးမြစ်ချင်း သားပေါက်ဖေါက်နည်းသိချင်ပါတယ် ခင်ဗျာ

စိုးထိုက်အောင် • 1 answers

goldfish fry သားပေါက်လေးတွေပါ သိချင်တာကတော့ မွေးမြူရေး ငါးသားဖောက်တဲ့အခါ ငါးသားပေါက်လေးတွေ ကိုဘယ်အစာကျွေးလဲ လမ်းညွှန်ပေးပါ

မင်းမခ • 1 answers

ငါးခူသားပေါက် ဘယ်မှာဝယ်လို့ရလဲ ရန်ကုန်ကပါ

ဦးချစ်ကောင်း • 3 answers

Farm Link Co.,Ltd

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....