ကော်ဖီမှုန့်နှင့် ကော်ဖီစက်ထဲမှာကျန်နေတဲ့ ကော်ဖီမှုန့်ကို အပင်တွေမှာ အသုံးပြုလို့ရပါတယ်။ ကော်ဖီမှုန့်ကို အသုံးပြုခြင်းဖြင့် အပင်တွေလိုအပ်တဲ့ နိုက်ထရိုဂျင်၊ ကယ်လ်ဆီယမ်နှင့် မက်ဂနီဆီယမ်ဓါတ်တွေကို ရရှိစေပါတယ်။ ကော်ဖီမှုန့်ကိုတိုက်ရိုက် အသုံးပြုခြင်းထက် မြေဆွေးပုံတွင်ထည့်၍အသုံးပြုခြင်းက ပိုမိုထိရောက်စေပါတယ်။ တီကျစ်စာကန်များတွင်လည်း ထည့်သွင်းအသုံးပြုနိုင်ပါတယ်။ 

   ကော်ဖီမှုန့်ကို အက်ဆစ်ဓါတ်ကြိုက်တဲ့အပင်တွေမှာပဲ အသုံးပြုသင့်ပါတယ်။ ဥပမာ - အာဖရိက ဗွိုင်အိုလက်၊ သစ်ခွ၊ နှင်းဆီ၊ လေးနာရီပန်း၊ မက်ဂနိုးလီးယားပန်းနှင့် ဂမုန်းပင်တွေမှာအသုံးပြုနိုင်ပါတယ်။ 

   ကော်ဖီမှုန့်ကို ပင်ခြေမှာဖြူးပေးခြင်းဖြင့် ခရုနှင့် ပက်ကျိကျရောက်ခြင်းကိုသာမက ပျနှင့် ကျိုင်းကျရောက်မှုကိုလည်း ကာကွယ်ပေးနိုင်ပါတယ်။  အိမ်တွင်းအလှစိုက်ပင်တွေမှာအသုံးပြုမယ်ဆိုရင်တော့ အပင်အခြေအနေကို စောင့်ကြည့်ပေးဖို့ လိုအပ်ပါတယ်။ ကော်ဖီဖျော်ထားပြီး မသောက်ဖြစ်ပဲ အေးသွားလို့ မသောက်ချင်တော့ဘူး သွန်ရမှာလည်းနှမျောတယ်ဆိုရင် ကျန်နေတဲ့ကော်ဖီကို ရေအနည်းငယ်ရောပြီး အပင်ကိုလောင်းနိုင်ပါတယ်။ ကော်ဖီလောင်းတဲ့အခါ သတိပြုရမဲ့အချက်က ခရင်မ်၊ သကြားနှင့် နို့တွေ မသုံးထားတဲ့ ကော်ဖီဖြစ်ဖို့တော့ လိုပါတယ်။ ခရင်မ်၊ သကြားနှင့် နို့တွေက အင်းဆက်များကျရောက်မှုကို အားပေးတဲ့အတွက် အသုံးပြုဖို့မသင့်တော်ပါဘူး။

   အရွက်တွေဝါလာရင် သို့ အရွက်ထိပ်တွေ အညိုရောင်ပြောင်းလာရင် ကော်ဖီများနေတဲ့လက္ခဏာဖြစ်ပါတယ်။ ဒါဆိုရင်တော့ ကော်ဖီလောင်းခြင်းကိုရပ်ပြီး ရေများများလောင်းပေးရပါမယ်။ ကော်ဖီမှုန့်ကို တစ်ပတ်တစ်ကြိမ် သို့ နှစ်ပတ်တစ်ကြိမ် အသုံးပြုနိုင်ပါတယ်။

ဖြိုးသဥ္ဇာကျော်

https://www.thespruce.com/watering-houseplants-with-coffee-3972312