လူသားတွေရဲ့ကျန်းမာရေးအတွက် အိပ်စက်ခြင်းက အရေးပါတဲ့အခန်းကဏ္ဍအနေနဲ့ပါဝင်နေတာကို အားလုံးပဲသိကြမှာပါ။ လူတစ်ယောက်က တစ်ရက်ကို ၇နာရီမှ၉နာရီအထိ အိပ်စက်ပေးဖို့လိုအပ်ပါတယ်။ အိပ်စက်ရာမှာလဲ နှစ်ခြိုက်စွာအိပ်ပျော်ဖို့ လိုအပ်ပါတယ်။ ညဘက်ကိုကောင်းမွန်စွာအိပ်စက်ထားမှသာလျှင် နောက်နေ့လုပ်ဆောင်ရမယ့်ကိစ္စတွေကို ခွန်အားပြည့်စွာနဲ့လုပ်ဆောင်နိုင်မယ်မဟုတ်ပါလား။ ဒါကြောင့် ကောင်းမွန်တဲ့အိပ်စက်ခြင်းအတွက် အထောက်အကူပြုမယ့် အစားအစာတွေကို လွယ်လွယ်ကူကူနဲ့ ရိုးရိုးရှင်းရှင်းပဲဖော်ပြပေးလိုက်ပါတယ်။

ကြက်သား

     ကြက်နှင့် ကြက်ဆင်သားမှာ tryptophan လို့ခေါ်တဲ့ amino acid (အမိုင်နိုအက်စစ်) ပါဝင်ပြီး အနားရစေတဲ့ ဟော်မုန်းတွေထွက်စေကာ အိပ်စက်ခြင်းအတွက် အထောက်အကူဖြစ်စေပါတယ်။

ငါး

      ဗီတာမင် B6 သည်ငါးများတွင် ပေါများစွာပါဝင်သည်။ အထူးသဖြင့် ဆော်လမွန်နှင့်တူနာတို့တွင်အများဆုံးပါဝင်သည်။ B6 သည်အနားရစေသော ဟော်မုန်းကိုဖြစ်ပေါ်စေသောအရာဖြစ်ပြီး ပုံမှန်အားဖြင့် အမှောင်ထဲတွင် ဖြစ်ပေါ်လေ့ရှိသည်။

နို့ထွက်ပစ္စည်း

     နို့ထွက်ပစ္စည်းတွေမှာပါတဲ့ ကယ်လဆီယမ် (calcium) ကအိပ်စက်ခြင်းအတွက် အထောက်အကူပြုတဲ့ဟော်မုန်းတွေကို တိုးစေတယ်။ နွားနို့၊ ဒိန်ချဉ်၊ ချိစ် အစရှိသည့်နို့ထွက်ပစ္စည်းများကို စားသုံးနိုင်ပါတယ်။

ကိုက်လန်

     ကိုက်လန်မှာလဲ ဒိန်ချဉ်လိုပဲ ကယ်လဆီယမ် (clacium) ပေါကြွယ်ဝပြီး အိပ်စက်မှုဆိုင်ရာဟော်မုန်းတွေအလုပ်လုပ်ဖို့ရန်အတွက် အရေးပါတာကို တွေ့ရပါတယ်။

ငှက်ပျောသီး

     ငှက်ပျောသီးမှာ တစ်ညလုံးနှစ်ခြိုက်စွာ အိပ်စက်ဖို့အရေးပါတဲ့ ပိုတက်စီယမ် ကြွယ်ဝစွာပါဝင်ပါတယ်။ ထို့ပြင် သဘာဝအလျှောက်အိပ်စက်ခြင်းကို အားပေးတဲ့ tryptophan နဲ့ မဂ္ဂနီဆီယမ် (magnesium) တို့ပါရှိပါသေးတယ်။

အစေ့အဆန်များ

     ဆန်လုံးညို၊ လူး၊ ဆပ်၊ ဂျုံ၊ အုတ်ဂျုံ၊ ပေါက်ပေါက်ပြောင်းစသည်တို့သည် အင်ဆူလင် (insulin) ထုတ်လုပ်မှုကိုအားပေးတာကို တွေ့ရပါတယ်။ ထို့ပြင် မဂ္ဂနီဆီယမ် (magnesium) လဲပါဝင်ပါသည်။ ခန္တာကိုယ်မှာရှိတဲ့ မဂ္ဂနီဆီယမ်ပမာဏနည်းရင် ညအိပ်စက်ချိန်မှာ နိုးလာဖို့အခွင့်အလမ်းများလေပဲဖြစ်ပါတယ်။

ပျားရည်

     ပျားရည်တွင်ပါဝင်သော ဂလူးကို့စ်သည် သင့်ဦးနှောက်ပိုမိုနိုးကြားမှုကို လျော့ကျစေသည်။ ထို့ကြောင့် သင့်ကို ပိုအနားရစေပါလိမ့်မည်။

အခွံမာသီးများ

     အခွံမာသီးတွင် သစ်ကြားသီး၊ ပိုက်ဆံလျှော်စေ့များ၊ ဖရုံစေ့များနှင့် နေကြာစေ့များပါဝင်သည်။ ဤအရာအားလုံးသည် မဂ္ဂနီဆီယမ်နှင့် tryptophan ရှိခြင်းတို့ကြောင့် အနားရစေတဲ့ဟော်မုန်းထွက်ရှိမှုကို အားပေးပါတယ်။

ဥများ

     ဥများတွင်လည်း tryptophan ပါရှိခြင်းကြောင့် အိပ်စက်ခြင်းကို အထောက်အကူပြုပါတယ်။

ဆန်ဖြူ

     ဆန်ဖြူသည် သကြားဓာတ်နှင့်ဆင်ဆူလင်ဓာတ်ပမာဏကို သဘာဝအလျောက်တို့မြှင့်စေပြီး ၎င်းသည် သင့်ဦးနှောက်ထဲတွင် tryptophan ပိုမိုမြန်ဆန်စွာ အလုပ်လုပ်နိုင်အောင်ကူညီပေးသည်။

     ဤအစားအစာများကို ညနေမှာစားသုံးပေးခြင်းဖြင့် အိပ်စက်ချိန်တွင် လျင်မြန်စွာနဲ့နှစ်ခြိုက်စွာ အိပ်ပျော်နိုင်မှာဖြစ်ပါတယ်။

ဝတ်မှုံသင်း

https://www.sleepassociation.org/about-sleep/top-10-foods-help-sleep/

 ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။