တိုင်ထောင်ပဲတောင့် ရှည် ပုရွက်ဆိတ် ကိုက်နေတာက ကာကွယ်စရာလိုမလို ပြောပြပေးပါအုံးဗျ လိုအပ်ရင်လဲ ဘယ်လိုကာကွယ်ရမလဲ...

ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

နွားသေး (နွားကျင်ငယ်ရေ) နှင့် ငရုတ်သီးကို ရောစပ်၍ ပဲတောင့်ရှည်ခင်းတွင် သဘာဝပိုးပြေးဆေးနှင့် အားဆေးအဖြစ် စိတ်ချစွာ တွဲဖက်ဖျန်းနိုင်ပါတယ်။ နွားသေးတွင် ပါဝင်သော နိုက်ထရိုဂျင်က အပင်ကို သန်မာစေပြီး ငရုတ်သီး၏ အစပ်ဓာတ် (Capsaicin) က ပျပိုး၊ လိပ်ပြာဖလံများကို မောင်းထုတ်ပေးနိုင်သည်။ သို့သော် အပင်မလောင်စေရန် နွားသေးကို ၇ ရက်မှ ၁၀ ရက်အထိ အချဉ်ဖောက်ပြီးမှ သုံးရပါမည်။ ဆေးပုံးတစ်ပုံး (လီတာ ၂၀) လျှင် အချဉ်ဖောက်ထားသော နွားသေး ၅၀၀စီစီနှင့် ငရုတ်သီးစစ်ရည် ၁၀၀ စီစီနှုန်းကို ရေနှင့်ရောစပ်၍ နေအေးချိန်တွင် ဖျန်းပေးရပါမည်။ငရုတ်သီးစစ်ရည် စပ်နည်းမှာ ဆေးဖျန်းပုံးတစ်ပုံး (လီတာ ၂၀) အတွက် ငရုတ်သီး ၅၀ ဂရမ် (၂ ကျပ်ခွဲသားခန့်) ကို ညှက်နေအောင်ထောင်းပြီး ရေနွေး ၁ လီတာဖြင့် တစ်ညစိမ်ကာ အဝတ်ပါးဖြင့် အရည်စစ်ယူပါမယ်။

နွားသေးနဲ့ ငရုတ်သီး ရောဖျန်းရင် ရနိုင်လားဗျ

ပုံထဲတွင် တွေ့ရသည့် ပုရွက်ဆိတ်များသည် ပဲပင်ကို တိုက်ရိုက်ဖျက်ဆီးနေခြင်း မဟုတ်ဘဲ၊ ပဲတောင့်ရှည်ပင်များတွင် အဓိကကျရောက်တတ်သည့် ပျပိုး (Aphids) များဆီမှ ရရှိသော အချိုရည်ကို လာရောက်စားသုံးခြင်း ဖြစ်ပါသည်။ ပုရွက်ဆိတ်များနှင့် ပျပိုးများသည် အပြန်အလှန် အကျိုးပြုနေကြပြီး ပုရွက်ဆိတ်များက ပျပိုးများကို အခြားရန်သူများမှ ကာကွယ်ပေးကာ အပင်တစ်ပင်မှတစ်ပင်သို့ ကူးစက်ပြန့်ပွားအောင် သယ်ဆောင်ပေးတတ်ကြပါသည်။ ထို့ကြောင့် ပဲပင်ကို ကာကွယ်ရန်အတွက် ပုရွက်ဆိတ်ထက် ပျပိုးကို အဓိကနှိမ်နင်းရမည်ဖြစ်ပြီး သဘာဝနည်းလမ်းဖြစ်သော တမာဆေးရည်၊ ငရုတ်သီးစိမ်းဆပ်ပြာရည် ဖျန်းခြင်း သို့မဟုတ် ထိရောက်မြန်ဆန်သော ဓာတုပင်လုံးပျံ့ဆေးများ ဖြစ်ကြသည့် အဆီတာမီပရစ် (Acetamiprid) သို့မဟုတ် အီမီဒါကလိုပရစ် (Imidacloprid) တို့ကို အရွက်အောက်မျက်နှာပြင်များအထိ နှံ့စပ်အောင် ပက်ဖျန်းပေးရပါမည်။