မိုးနှမ်းစိုက်ချင်လို့ပါခင်​ဗျ နေရာက တောင်စောင်းပါ 2ဧကရှိပါတယ် ပုံပါအတိုင်း မြက်တွေပေါက်နေပါတယ်ခင်ဗျ ဂလိုင်ဖို...

တောင်စောင်းမြေ (၂ ဧက) တွင် နှမ်းမိုးနှောင်းစိုက်ပျိုးရန်အတွက် မြက်များအလွန်ပေါက်နေသော်လည်း ရွက်ပြန့်ပေါင်းသတ်ဆေးဖြစ်သော ၂,၄-ဒီ (2,4-D) ဆေးကို နှမ်းခင်းတွင် လုံးဝ(လုံးဝ) မသုံးစွဲရပါ။ နှမ်းသည် ရွက်ပြန့်သီးနှံဖြစ်၍ ၂,၄-ဒီ ဆေးဒဏ်ကြောင့် ခင်းလုံးကျွတ် ပျက်စီးသေဆုံးနိုင်ပါသည်။ အကောင်းဆုံးနည်းလမ်းမှာ နှမ်းမစိုက်ပျိုးမီ ၁ ပတ်အလိုတွင် ပေါက်နေသောမြက်များကို ဂလိုင်ဖိုစိတ် ဆေးဖျန်း၍ အရင်သတ်ရပါမည်။ ထို့နောက် ထွန်ရေးပြင်၊ မျိုးစေ့ချပြီး ၂ ရက်အတွင်း (နှမ်းပင်မပေါက်မီ) ပေါင်းအုပ်ဆေးအဖြစ် မက်တိုတာကလော (Metolachlor)ဆေးကို ဖျန်းပေးရပါမည်။ နှမ်းပင်ပေါက်လာပြီးနောက် မြက်များပြန်ပေါက်ပါက နှမ်းမထိခိုက်သော ကွီဇာလိုဖော့-ပီ-အီသိုင်း(Quizalofops P-ethyl) (ရွေးချယ်သတ်ဆေး) ကို သုံးစွဲနိုင်ပြီး၊ တောင်စောင်းမြေဖြစ်၍ မြေဆီလွှာပြုပြင်ရန်နှင့် အပင်သန်စွမ်းရန် အပင်သက်တမ်း ရက် ၂၀-၃၀ အတွင်း ကြားပေါင်းလိုက်ခြင်းကိုလည်း မဖြစ်မနေ ပူးတွဲလုပ်ဆောင်ပေးရပါမည်။ သီးနှံမစိုက်ခင်ဂလိုင်ဖိုစိတ် (Glyphosate) နှင့် ၂,၄-ဒီ (2,4-D) ကို ရောစပ်၍ ဖျန်းချင်ပါကဖျန်းနိုင်ပါသည်။ သို့သော်လည်း အလွန်အရေးကြီးသည့် အချက်မှာ ၂,၄-ဒီ (2,4-D) ဆေးသည် မြေကြီးထဲတွင် ရက်သတ္တပတ် အနည်းငယ်ကြာသည်အထိ ဆေးအာနိသင် ကျန်ရှိနေတတ်ခြင်းဖြစ်ပါသည်။ ထို့ကြောင့် ဤဆေးအရောကို ဖျန်းပြီးပြီးချင်း နှမ်းချက်ချင်းစိုက်ပါက မြေကြီးထဲက ဆေးအာနိသင်ကြောင့် နှမ်းစေ့များ အပင်မပေါက်နိုင်ခြင်း သို့မဟုတ် ပေါက်လာသော နှမ်းပင်ပေါက်များ လောင်ကျွမ်းသေဆုံးခြင်းတို့ ဖြစ်တတ်ပါသည်။ ဤနည်းလမ်းကို သုံးမည်ဆိုပါက ဆေးဖျန်းပြီးနောက် အနည်းဆုံး (၂) ပတ် မှ (၃) ပတ်ခန့်အထိ စောင့်ဆိုင်းပြီးမှသာ နှမ်းမျိုးစေ့ကို ချရပါမည်။ တောင်စောင်းမြေဖြစ်၍ မိုးရွာပါက ဆေးများ ရေနှင့်အတူ အောက်ဘက်သို့ စီးမျောစုပုံသွားနိုင်သဖြင့် ဆေးနှုန်းထားကိုလည်း အညွှန်းပါအတိုင်းထက် ပိုမသုံးရန် သတိပြုရပါမယ်ခင်ဗျာ၊နားလည်မယ်လို့မျှော်လင့်ပါတယ်။ ဂလိုင်ဖိုဆိတ်တစ်မျိုးတည်းအသုံးပြုရင်လည်း ရပါတယ်ခင်ဗျ၊ နားလည်စေချင်လို့ ဖြေပေးတာရှည်သွားပါတယ်။