Latest articles စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

View all လယ်ယာသုံးစက်ပစ္စည်း 11 မြေဆီလွှာ 159 အပင်အာဟာရ 293 စိုက်ပျိုးနည်း 394 ပိုးမွှားရောဂါ 440 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 833

နှမ်းစိုက်ပျိုးထုတ်လုပ်ခြင်း

Thein Soe Min • ACARE • 28/11/2018

မျိုးအမည် - ဆင်းရတနာ ၃၊ ၄၊ ၅၊ နှမ်းနီ

သက်တမ်း - ၁၀၀-၁၁၀ ရက်

စိုက်ချိန် - မေ-ဇွန် (မိုးရာသီ)၊ စက်တင်ဘာ (မိုးနှောင်း)၊ ဖေဖော်ဝါရီ (မိုးကြို)

မြေပြုပြင်ခြင်း

ထယ်နှစ်စပ်၊ ထွန်တစ်စပ်၊ နောက်ဆုံးမြေညှိခြင်းလုပ်ဆောင်ပါ။ အပင်အကွာအဝေး - ၁၅ x ၄ လက်မ

မျိုးစေ့နှုန်းထား - တစ်ဧက သုံးပေါင်နှုန်း (၂ ပြည်ခန့်)

မြေဩဇာနှုန်းထား - သဘာဝမြေဩဇာ ၂ ဧက/တစ်တန်၊ ကွန်ပေါင်းမြေဩဇာ (၁၅ : ၁၅ : ၁၅) တစ်ဧက တစ်အိတ်နှုန်း မစိုက်ခင်ကျွေးပါ။ ပန်းစပွင့်ချိန်နှင့် ပန်းလှိုင်လှိုင်ပွင့်ချိန်တွင် ယူရီးယားကို တစ်ဧက ၂၈ ပေါင်နှုန်းစီ ကျွေးပါ။

အပင်ပြုစုစောင့်ရှောက်ခြင်း

- မျိုးစေ့ကို ၁ - ၁.၅ လက်မအနက် စိုက်ပျိုးပေးရမည်။

- စိုက်ပြီး ၁၄ ရက်သားတွင် အနည်းဆုံး တစ်ကျင်းတစ်ပင်ထားပြီး အပင်မှုန်းပေးရမည်။

- အပင်အညှောင့်ပေါက်ပြီးတစ်လအတွင်း ပေါင်းရှင်းအောင်ဆောင်ရွက်ပေးရမည်။

- နှမ်းပင်သည် ပျိုးပင်အဆင့်နှင့် ပန်းပွင့်ချိန်တို့တွင် ရေရှိရန်လိုအပ်သည်။ သို့သော် ရေမဝပ်ရန် သတိထားရမည်။

ပေါင်းရှင်းခြင်း

• မြေပြင်ချိန် စနစ်တကျလုပ်ဆောင်ခြင်းဖြင့် ပေါင်းရှင်းအောင် ဆောင်ရွက်ပေးရမည်။

• မြေသြဇာကျွေးရာတွင် အပင်ကရရှိပြီး ပေါင်းစားသုံးမှုလျော့နည်းစေရန် အပင်နားကပ်ပြီး ဂရုတစိုက် ကျွေးပေးရမည်။

• စိုက်ခင်းပတ်ဝန်းကျင် ကန်သင်းများတွင်လည်း ပေါင်းရှင်းရန် ဆောင်ရွက်ရပါမည်။

• ပေါင်းပင်ကို ပန်းပွင့်မတည်ခင် စောနိုင်သမျှ စောစော ပေါင်းရှင်းပေးရပါမည်။

• ပေါင်းကို ပေါက်ပြားဖြင့် ဖြစ်စေ၊ တံဇဉ်ဖြင့်ဖြစ်စေ၊ မြက်ရိတ်စက်ဖြင့် ဖြစ်စေ မြေဖုံးပြီးဖြစ်စေ ဆောင်ရွက်ပေးရပါမည်။

• နှမ်းပင်အုပ်ဆိုင်းသည်အထိ ပေါင်းရှင်းနေအောင် ဂရုစိုက်ပေးရပါမည်။

လက်ပေါင်းလိုက်ခြင်း

• ပေါင်းပင်တွေ့လျှင် တွေ့ချင်း လက်ပေါင်းလိုက်ခြင်းကို လုပ်ဆောင်ရမည်။

• စိုက်ပြီး ၃-၈ ပတ်အကြာ ပေါက်ပြားလိုက်ခြင်းကို လုပ်ဆောင်ပေးရပါမည်။

ပေါင်းသတ်ဆေးဖျန်းခြင်း

• အပင်မပေါက်ခင် ဖျန်းသည့် ပေါင်းသတ်ဆေး Pendimentalin ကို တစ်ဧက ၁.၅ - ၂ လီတာ နှုန်းဖျန်းပေးရမည်။ (ဥပမာ - Stomp)

• အပင်ပေါက်ပြီး ဖျန်းသည့် ပေါင်းသတ်ဆေး Glyphosate တစ်ဧက ၁.၅ - ၂ လီတာနှုန်း ဖျန်းပေးရမည်။ (ဥပမာ - Roundup, Sarosate, or Fitscosate)

ရိတ်သိမ်းခြင်း

• နှမ်းသီးထောင့် ၇၅ ရာခိုင်နှုန်း ရင့်မှည့်ချိန် (အဝါရောင်ပြောင်းချိန်) ရိတ်သိမ်းခြင်းကို လုပ်ဆောင်ပေးရမည်။

• စိုက်ပြီး ရက် ၉၀ - ၁၃၀ အတွင်း စတင်ရင့်မှည့်ပါသည်။

ရိတ်သိမ်းပြီး နှမ်းများကို ခြောက်သွေ့အောင် နှင့် အရွက်များကြွေသည်တိုင်အောင် အခြောက်ခံပေးရပါမည်။

မြေဩဇာကျွေးခြင်း

မြေပြင်ချိန် (မြေခံ) - ပုလဲ အိတ်ဝက်၊ တီစူပါ အိတ်ဝက်၊ ပိုတက် ၃ ပုံ ၁ပုံ၊ နွားချေး (၁၀ - ၁၂) စီး

အဖူးဝင်ချိန် - ပုလဲ ၃ ပုံ ၁ပုံ

ပန်းပွင့်ချိန် - ပုလဲ ၃ ပုံ ၁ပုံ

ရိတ်သိမ်းချိန်နောက်ပိုင်း လုပ်ဆောင်မှု

• နှမ်းများကို ရိတ်သိမ်းပြီး ကွင်းထဲတွင်ဖြစ်စေ တလင်းပြင်တွင်ဖြစ်စေ အရွက်များကြွေသည် အထိ နေပူလှန်းပေးရမည်။

• နှမ်းခါသည့်အခါ နှမ်းစေ့များသည် သေးငယ်ပြီး နူးညံ့သည့်အတွက် ဂရုတစိုက် လုပ်ဆောင်ပေးရမည်။

အချိန်ကာလကြာ သိုလှောင်မှုအတွက် သန့်ရှင်းပြီးနှမ်းစေ့ကို အစိုဓါတ် ၆ ရာခိုင်နှုန်းထက်မပိုပဲ အေး၍ ခြောက်သွေ့သောနေရာတွင် သိုလှောင်ပေးရမည်။

Source- ACARE စိုက်ပျိုးရေးတက္ကသိုလ်

သန်းဌေးအောင်

5 years ago

အေကေ

5 years ago

မိုးကြိုးနှမ်း ဘာအမျိုးစားစိုက်သင့်လဲခင်မျ ဈေးကွက်အနေထားအရ

ကျော်စွာဝင်း

5 years ago

ပါဝင်မည်

Transform. Linn Mg Mg...(H.G.U) ဒိုးကလေး(နှမ်းနက်)စိုက်ကွက်

5 years ago

နှမ်းကိုလက်နှင့်ကြဲပက်ပြီး အမြင်ရှင်းအောင်လိုင်းစွဲနည်းလေးသိချင်ပါသည်

U Aye Naing

5 years ago

နို့ဆီဗူးခွံ၂ခု၏အောက်ခြေမျက်နှာပြင် အလယ်ဗဟိုနားတွင် ၁လက္မသံချောင်းဖြင့်အပေါက်၃ပေါက်ကို ငါးမူးအကွာထား၍ဖိုခလောက်ဆိုင်ဖောက်ပါ.အပေါက်ဖောက်ပြီးသောနို့ဆီဗူးခွံကို ၃ပေ/၄ပေ အရှည်ရှိဝါးခြမ်းပြား/တုတ်ချောင်း ၏ထိပ်တစ်ဖက်နှင့်ကပ်၍ မြဲအောင်ချည်နှောင်ပါ.စိုက်ကြောင်းထဲမျိုးစေ့ချသောအခါ ဘယ်လက်တွင်တစ်ခု ညာလက်တွင်တစ်ခုကိုင်၍ပုံမှန်လမ်း လျှောက်ရင်း အထက်အောက်လှုပ်ခါပေးပြီးချပေးနိုင်ပါတယ်.အချိန်ကုန်သက်သာပြီး မျိုးစေ့ကုန်ကျမှုလည်းသက်သာစေပါတယ်။

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

စိုက်ပျိုးနည်း

မိုးခေါင်ရေရှားမှုကို ခံနိုင်ရည်ရှိစေမည့် စပါးစိုက်ပျိုးနည်းလမ်းများ

သော်ဇင်

စိုက်ပျိုးနည်း

အောင်မြင်သော ကြက်သွန်နီ စိုက်ပျိုးထုတ်လုပ်နည်း

Wah Wah Lwin

Content provider

ACARE

 ဖွံ့ဖြိုးဆဲနိုင်ငံများတွင် သုတေသနလုပ်ငန်းများ လုပ်ဆောင်ရန်အတွက် ရည်ရွယ်ပြီး စီမံကိန်းကို အကောင်ထည်ဖော်ဆောင်ရွက်နေပါသည်။ ဗီဇအရင်းအမြစ်များဖွံ့ဖြိုးမှု၊ ရိတ်သိမ်းချိန်လွန်နည်းပညာ၊ အများပူးပေါင်းပါဝင်နိုင်သည့် ဗဟုသုတ စီမံခန့်ခွဲမှုနှင့် စွမ်းဆောင်မြှင့်တင်ခြင်းဆိုင်ရာ အရေးပါသည့် နယ်ပယ် လေးခု ဖွံ့ဖြိုးတိုးတက်ရန်နှင့် ဘွဲ့လွန်ပညာရေး အရည်အသွေးတိုးတက်လာစေရန် ရည်ရွယ်ပါသည်။ အများပူးပေါင်းပါဝင်နိုင်သည့် ဗဟုသုတ စီမံခန့်ခွဲမှု အစီအစဉ်သည် တောင်သူများနှင့် တောင်သူကဏ္ဍနှင့် ပါဝင်ပတ်သက်နေသူများထံ အကျိုးရှိသည့် အသုံးချနည်းပညာရပ်များ ထိထိရောက်ရောက် ပြန်နှံ့သွားစေမည့် လုပ်ဆောင်များ အကောင်အထည်ဖော် ဆောင်ရွက်နေပါသည်။ အကျိုးပြုနည်းပညာရပ်များနှင့် သတင်းအချက်အများကို ရပ်ရွာတွင်ထားရှိသည့် ကွန်ပျူတာဖန်သားပြင်နှင့် ဖုန်းအက်ပလီကေးရှင်းမှ တောင်သူများအလွယ်တကူ ရရှိစေမည် ဖြစ်ပါသည်။ စိုက်ပျိုးထုတ်လုပ်ရေးနှင့် အထွက်တိုးရေး၊ ထိရောက်သည့် ရိတ်သိမ်းချိန်လွန် စီမံခန့်ခွဲမှု၊ အများပူးပေါင်းပါဝင်နိုင်သည့် ဗဟုသုတ စီမံခန့်ခွဲမှုမှတစ်ဆင့် နည်းပညာဖြန့်ဖြူးရေး၊ ဘွဲ့လွန်ပညာရေးမှတစ်ဆင့် စွမ်းဆောင်ရေ မြှင့်တင်ရေး၊ တက္ကသိုလ်ပညာသင်ကြားရေး စသည်တိုတွင် အရေးပါသည့် အခန်းကဏ္ဍမှ ပါဝင်ဆောင်ရွက်လျက်ရှိသည်။ ထိုလုပ်ဆောင်ချက်များမှ မြန်မာနိုင်ငံအတွက် တောင်သူများ စိုက်ပျိုးထုတ်လုပ်မှုမြှင့်ခြင်း၊ စိုက်ပျိုးရေးမှ ဝင်ငွေများ တိုးပွားလာခြင်း၊ အလုပ်အကိုင်အခွင့်လမ်းများ တိုးပွားလာခြင်း နှင့် စွမ်းဆောင်ရည် ပြည့်ဝသည့် စိုက်ပျိုးရေးပညာရှင်များ မွေးထုတ်ပေးရန် များစွာအထောက်အကူပြုလာမည် ဖြစ်ပါသည်။

More from Thein Soe Min

See all

07/06/2026

အင်းလေး ကျွန်းမျောပေါ်မှာ စိုက်တဲ့အပင်တွေက ဘာလို့ စိမ့်မကိုင်တာလဲ?

25/05/2026

စပါးအထွက်နှုန်း ၃၀ % အထိ တိုးစေမယ့် လျှို့ဝှက်ချက်

22/05/2026

သင့်ဆိုင်ရဲ့လုပ်ငန်းတွေကို ဒီထက်ပိုပြီး ချောချောမွေ့မွေ့ လည်ပတ်နိုင်ဖို့ ဘာတွေလိုအပ်နေလဲ?

07/05/2026

ငါးဝယ်ရင် အညာမမိစေဖို့ လတ်ဆတ်တဲ့ငါးကို စားဖိုမှူးတစ်ယောက်လို ဘယ်လိုရွေးမလဲ?

20/03/2026

Farm Link Co.,Ltd

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....