ဝရန်တာမှာ ဘယ်လိုစိုက်ပျိုးရမလဲ..မောင်နီ
ထည့်စရာတစ်ခုခုနဲ့ စိုက်ပျိုးကြရမှာပေါ့။ ဘာလို့ဆိုတော့ မောင်နီတို့ တောမှာလို ခြံကျယ်ကျယ် မြေနေရာမကျန်တော့ဘူးဆိုတော့ မောင်နီတို့ကတော့ တိုက်ခန်းတွေမှာ နေရရင်တော့လည်း စားချင်တာလေးတော့ စိုက်ဦးမှာပဲ။ အမြင်လည်း အေးတယ်လေ။ ရှေ့ဝရန်တာရော နောက်ဖက်က လှေကားနေရာမှာရော နေရောင်ရရင် အပင်လေးတွေ စိုက်ပြီး အပန်းဖြေချင်သေးတာရယ်။
မောင်နီတို့ ဘယ်လိုစိုက်ကြမလဲ?
- ထည့်စရာတစ်ခုခုနဲ့ ထည့်စိုက်မှာပေါ့။
- ပထမဆုံးကတော့ သီးနှံရွေးရမှာပေါ့။ ဘာသီးနှံစိုက်မလဲ ဘာတွေစိုက်ချင်လဲ ဆိုတာလေးတွေ။
နောက်အဆင့်ကျ ပျိုးရမယ်။
ပျိုးတာကတော့ ပျိုးဗန်းလေးတစ်ဗန်းဝယ်ပြီး ပျိုးထားလည်းရတယ်။ မဟုတ်ရင်လည်း ဖော့ခွက်တို့၊ သရက်ရွက်လိပ်တို့ လုပ်ပြီးတော့လည်း ပျိုးလို့ရတယ်။ ဒါဆို တိုက်ခန်းနဲ့နေလည်း ပျိုးပင်လေးတွေ ရောင်းစားလို့ရတယ်နော်…
မြေပြင်ဆင်
မြေကြီး(၁)ဆ၊ မြေဆွေး (၁) ဆ နဲ့ သဲ ဒါမှမဟုတ်ရင် ဖွဲပြာ (၁) ဆ ရောပြီးတော့ ကြွပ်ကြွပ်အိတ် အမဲနဲ့ ထည့်ပြီးတော့ နေ့တစ်ဝက်လောက်ထားလိုက်ရင် ပိုးသတ်ပြီးသားဖြစ်သွားရော။ အချိန်ရှိတယ်ဆိုရင်တော့ (၁၀) မိနစ်လောက် လှော်ပေးလိုက်လို့ရတယ်။ ရေလေးတော့ ဖျန်းဖျန်းပေးရမယ်။ အစိုဓာတ်ပြတ်လို့မရဘူး၊ သူက ရေနွေးငွေ့နဲ့ ပိုးသတ်သလိုမျိုး လုပ်တာဆိုတော့။
အဲ့လိုလုပ်ပေးရင် ပျိုးပင်သေးသေးလေးတွေမှာ ရောဂါကျတာကိုကာကွယ်ပေးနိုင်တယ်။
ပြီးတော့မှ အဲ့မြေကြီးကိုယူ ခွက်လေးတွေထဲဖြည့်ပြီး ပျိုးထောင်မယ်ပေါ့။
ကန်စွန်းတို့ မုန်ညှင်းတို့ဆိုရင်ကျတော့ တိုက်ရိုက်စိုက်ပျိုးလို့ရတယ်ဆိုတော့ ပျိုးခွက်နဲ့ပျိုးစရာမလိုပဲနဲ့ တစ်ခါတည်း အိုးထဲ ထည့်စိုက်လို့ရပါတယ်။
တစ်ခါတည်းစိုက်မယ်ဆိုရင်လည်း မြေစပ်နည်းက တူတူပဲနော်။ မြေကြီး (၁) ဆ ကနေ (၂)ဆ၊ မြေဆွေး (၁) ဆနဲ့ သဲ (ဒါမှမဟုတ်) ဖွဲပြာ (၁) ဆ ထည့်ပြီးတော့ပြင်ထားရင် ရပြီ။
ထည့်စရာပြင်ဆင်မယ်
အမြစ်က မြေကြီးအနက် ဘယ်လောက်ဆင်းလဲ ဆိုတာ စဉ်းစားကြည့်ရပါမယ်။ အမြစ်နက်နက် ဆင်းတတ်တဲ့ ခရမ်းချဉ်တို့၊ ခရမ်းတို့ နဲ့ ကြက်ဟင်းခါးတို့လို အပင်တွေဆိုရင်တော့ အနက် (၁) ပေလောက်ရှိတဲ့ ထည့်စရာပြင်ဆင်ရပါမယ်။
အမြစ်တိမ်တဲ့ အပင်တွေ - ရွက်စားသီးနှံတွေ - ကန်စွန်း၊ မုန်ညှင်းတို့ ချဉ်ပေါင်တို့လိုကျတော့ (၈) လက်မလောက် အနက်ရှိတဲ့ အိုးတွေ ခွက်တွေဆိုရင် ရပါတယ်။
အောက်ခြေမှာ ရေဆင်းပေါက်ရှိရမယ်နော်။ ဖောက်ဖို့ မေ့ကြရင်ဖြင့် အပင်လေးတွေ ရေမွန်းရပါလိမ့်မယ်ဗျ။
ရွှေ့ပြောင်းစိုက်ဖို့
ပျိုးပင်လေးတွေကို မနက်ပိုင်းရေဖြတ်၊ နေရောင်နည်းနည်းပြပြီး ညနေပိုင်းမှာ ရွေ့စိုက်ရမယ်။ ရွှေ့စိုက်ပြီးတာနဲ့ ချက်ချင်း ရေလောင်းပေးရမယ်နော်။
မြေသြဇာလည်း ကျွေးရမယ်။ သီးနှံတစ်မျိုးနဲ့တစ်မျိုး မြေသြဇာကျွေးဖို့က မတူတာမို့ ဒါလေးက နောက်ပိုင်းကျရင် တင်ဆက်ပေးပါဦးမယ်နော်။
ရေလည်း လောင်းရမယ်။ ပုံမှန် ညနေခင်း မနက်ခင်း ရုံးမသွားခင်လေး ရေလေး လောင်းသွားပေးလို့ရပါတယ်။
အပင်တက်လာပြီဆိုရင် လိုအပ်တာလေးတွေလည်း လုပ်ပေးရပါဦးမယ်။ တုတ်ထောက်ပေးတာလိုမျိုး ခရမ်းချဉ်လို အပင်တွေမှာ လိုအပ်ပါတယ်။ စိတ်ညစ်နေရင် ထ ပြီးတော့ အပင်လေးတွေ နေရာချ၊ မြေသြဇာလေးကျွေးလိုက်၊ ရေလေးလောင်းလိုက်နဲ့ stress relief တစ််မျိုးလေးပေါ့။ မောင်နီက ဒါတွေလည်း သိတယ်ဗျ။
ပိုးကျလို့ဆိုရင် ဘာလုပ်ရမလဲ
- အိမ်မှာပဲ လုပ်လို့ရတဲ့ လက်လုပ်ဆေးနည်းတွေ ထပ်တင်ပေးဦးမယ်နော်။ ဓာတုဆေးလည်း သုံးလို့ရပေမဲ့လို့ အိမ်ဝရန်တာမှာ အော်ဂဲနစ်လေး စားချင်လို့ စိုက်တာလေ…နော့…
ကဲ စိုက်ပျိုးဖြစ်ထွန်း အောင်မြင်ကြပါစေ။ ဝါသနာပါရင် ဝရန်တာ စိုက်ခင်းလေးကို ဗီဒီယိုရိုက်ပြီးတော့ တစ်တော့မှာ တင်လို့ရပါသေးတယ်နော့်။ အဲ့ကျ မောင်နီ့ကို လာပြကြပါဦး….လို့
Continue reading related topics, questions and articles.
Topic 1
အိမ်တွင်း စိုက်သီးနှံများ
Related articles
ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ
Thein Soe Min
မိုးခေါင်ရေရှားမှုကို ခံနိုင်ရည်ရှိစေမည့် စပါးစိုက်ပျိုးနည်းလမ်းများ
သော်ဇင်
အောင်မြင်သော ကြက်သွန်နီ စိုက်ပျိုးထုတ်လုပ်နည်း
Content provider
မြားနီနည်းပညာပေးရေးအဖွဲ့
မြားနီနည်းပညာပေးရေးအဖွဲ့ သည် မြားနီမျိုးစေ့ ကုမ္ပဏီနှင့် ထူးခြားသော ချိတ်ဆက်မှုရှိသည့် အကျိုးအမြတ်မယူသော အဖွဲ့ အစည်းတစ်ခုအဖြစ်ရပ်တည်လျက်ရှိပြီး အပူပိုင်းဒေသရှိ ဟင်းသီးဟင်းရွက်စိုက်ပျိုးသူ တောင်သူများ၏ လူနေမှုဘဝမြင့်မားလာစေရေး၊ လုံခြုံစိတ်ချရသည့် လတ်ဆတ်သော ဟင်းသီးဟင်းရွက် စိုက်ပျိုးထုတ်လုပ်မှုနည်းလမ်းများ ပံ့ပိုးကူညီပေးခြင်းနှင့်ဈေးကွက်ကိုဖော်ဆောင်နိုင်ရေးအတွက်တောင်သူများနှင့် ချိတ်ဆက်ပြုလုပ်ဆောင်ရွက်နေသောအဖွဲ့ဖြစ်ပါသည်။
Related questions
မိုးကြိုစိုက်မယ်ဆိုရင် ဘယ်အချိန်တွေမှာ စိုက်ရမလဲ?
Green Way Agtech • 1 answers
မြေပဲစိုက်ပျိုးနည်း သိချင်လို့ပါ #testing
Green Way • 1 answers
ခေါင်ညွှန့်တွေညိုးနေတာဘာဆေးသုံးရမလဲဗျပျိုးခင်းထဲမှာရှိသေးလမ်းပြပေးပါအုန်း။
TunLin • 3 answers
မိုးနှမ်းစိုက်ချင်လို့ပါခင်ဗျ နေရာက တောင်စောင်းပါ 2ဧကရှိပါတယ် ပုံပါအတိုင်း မြက်တွေပေါက်နေပါတယ်ခင်ဗျ ဂလိုင်ဖိုဆိတ် Aiပါတဲ့ ဆေးနဲ့ပဲ အဆင်ပြေနိုင်လား 2 4 Dထည့်ရအုံးမလားခင်ဗျ 2 4 Dက ကြဲမဟ့်နှမ်းအတွက် ထိခိုက်မှု ရှိနိုင်သေးပါသလားခင်ဗျ တောင်စောင်းမြေဆိုတော့ ကြဲပက်ရမယ့် အနေအထားမလို့ပါ ဆေးဖြန်းပြီး ဆက်လက် လုပ်ဆောင်ရများကို ညွှန်ကြားပေးပါအုံးခင်ဗျာ တခါမှမလုပ်ဖူးတော့ မကျွမ်းကျင်သေးလို့ပါ
Paing Lay • 1 answers
မိုးနှမ်းစိုက်ချင်လို့ပါခင်ဗျ နေရာက တောင်စောင်းပါ 2ဧကရှိပါတယ် ပုံပါအတိုင်း မြက်တွေပေါက်နေပါတယ်ခင်ဗျ ဂလိုင်ဖိုဆိတ် Aiပါတဲ့ ဆေးနဲ့ပဲ အဆင်ပြေနိုင်လား 2 4 Dထည့်ရအုံးမလားခင်ဗျ 2 4 Dက ကြဲမဟ့်နှမ်းအတွက် ထိခိုက်မှု ရှိနိုင်သေးပါသလားခင်ဗျ တောင်စောင်းမြေဆိုတော့ ကြဲပက်ရမယ့် အနေအထားမလို့ပါ ဆေးဖြန်းပြီး ဆက်လက် လုပ်ဆောင်ရများကို ညွှန်ကြားပေးပါအုံးခင်ဗျာ တခါမှမလုပ်ဖူးတော့ မကျွမ်းကျင်သေးလို့ပါ
Paing Lay • 2 answers
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
Latest articles
အမျှင်ထွက်သီးနှံများထဲက ဝါ (အပိုင်း-၂)
09/06/2026
ဟင်းသီးဟင်းရွက် စိုက်ပျိုးထုတ်လုပ်နည်း သင်တန်း (အခမဲ့)
08/06/2026
ဇွန်လ ၇ - ၁၄ ရက်နေ့အတွင်း ပြည်နယ်နှင့် တိုင်းဒေသကြီးအလိုက်ဖြစ်ပေါ်နိုင်သော မိုးလေဝသခန့်မှန်းချက်
08/06/2026
ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ
07/06/2026
ပို့ကုန်ပဲများ ဈေးနှုန်းကျဆင်းနေ (၁ - ၆.၆.၂၀၂၆အတွက် ဈေးကွက်သုံးသပ်ချက်)
05/06/2026
More from ထွန်းဝင်းကျော်
See all
ဟင်းသီးဟင်းရွက် စိုက်ပျိုးထုတ်လုပ်နည်း သင်တန်း (အခမဲ့)
08/06/2026
မောင်နီနဲ့ ရွှေသီးတဲ့ မြေကြီးအထိအတွေ့
03/06/2026
အစိမ်းရောင်လမ်းအသုံးပြုသူများအတွက် မြားနီနည်းပညာပေးရေးအဖွဲ့ရဲ့ ငွေကြေးမကုန်ကျမဲ့ အခမဲ့သင်တန်းများ
02/06/2026
ရွှံ့စေးမြေမှာစိုက်ပျိုးမယ်ဆိုရင် ကြုံတွေ့ရနိုင်တဲ့ စိန်ခေါ်မှုများနှင့် ဖြေရှင်းနိုင်သည့်နည်းလမ်းများ
26/05/2026
ရွှံ့စေးမြေရဲ့ ကောင်းကျိုးနဲ့ စိုက်ပျိုးနိုင်သော သီးနှံများ
22/05/2026
